غزہ میں بگڑتی انسانی صورتحال پر پاکستان سمیت آٹھ ممالک کی تشویش

غزہ میں بگڑتی ہوئی انسانی صورتحال پر پاکستان سمیت آٹھ مسلم اکثریتی ممالک نے شدید تشویش کا اظہار کیا ہے ان ممالک کے وزرائے خارجہ نے ایک مشترکہ بیان میں کہا ہے کہ غزہ کے عوام اس وقت انتہائی مشکل حالات کا سامنا کر رہے ہیں جہاں جنگ کے اثرات کے ساتھ ساتھ شدید موسمی حالات نے مشکلات کو مزید بڑھا دیا ہے

بیان میں کہا گیا کہ غزہ میں مسلسل بارشوں طوفانی ہواؤں اور سرد موسم نے بے گھر فلسطینی خاندانوں کی مشکلات میں اضافہ کر دیا ہے ہزاروں خاندان خیموں اور عارضی پناہ گاہوں میں رہنے پر مجبور ہیں جہاں نہ مناسب تحفظ موجود ہے اور نہ ہی بنیادی سہولیات میسر ہیں موسمی شدت کے باعث خیمے تباہ ہو رہے ہیں اور کئی مقامات پر پانی جمع ہونے سے بیماریاں پھیلنے کا خطرہ بڑھ گیا ہے

وزرائے خارجہ نے اس بات پر زور دیا کہ غزہ میں انسانی بحران صرف موسمی حالات کی وجہ سے نہیں بلکہ امدادی رسائی میں رکاوٹوں ضروری اشیاء کی کمی اور بنیادی ڈھانچے کی تباہی کے باعث مزید سنگین ہو چکا ہے صحت کے مراکز پانی کی فراہمی بجلی اور رہائش کے نظام کو شدید نقصان پہنچا ہے جس سے عام شہریوں خاص طور پر بچوں خواتین بزرگوں اور بیمار افراد کی زندگیوں کو شدید خطرات لاحق ہیں

غزہ میں بلا رکاوٹ انسانی امداد کی فوری ضرورت

مشترکہ بیان میں اقوام متحدہ کے اداروں اور عالمی امدادی تنظیموں کی کوششوں کو سراہا گیا جنہوں نے انتہائی مشکل حالات کے باوجود فلسطینی عوام کی مدد جاری رکھی ان ممالک نے مطالبہ کیا کہ امدادی اداروں کو غزہ اور مغربی کنارے میں بلا رکاوٹ کام کرنے دیا جائے کیونکہ ان کا کردار انسانی جانیں بچانے کے لیے نہایت اہم ہے کسی بھی قسم کی رکاوٹ ناقابل قبول قرار دی گئی

بیان میں یہ بھی کہا گیا کہ عالمی برادری کی ذمہ داری ہے کہ وہ قابض طاقت پر دباؤ ڈالے تاکہ ضروری امدادی سامان کی آمد اور تقسیم میں حائل تمام پابندیاں فوری طور پر ختم کی جائیں خیمے طبی سہولیات صاف پانی ایندھن اور صفائی کے سامان کی فراہمی کو یقینی بنایا جائے تاکہ عوام کو شدید موسم سے بچایا جا سکے

وزرائے خارجہ نے جنگ کے خاتمے اور جنگ بندی کے تسلسل کے لیے سفارتی کوششوں کی حمایت کا اعادہ کیا اور کہا کہ پائیدار امن کے لیے فوری بحالی کے اقدامات ضروری ہیں متاثرہ علاقوں میں بنیادی ڈھانچے کی بحالی ہسپتالوں کی تعمیر اور باعزت رہائش کی فراہمی کو ترجیح دی جانی چاہیے

آخر میں کہا گیا کہ غزہ کے عوام ایک طویل عرصے سے مشکلات اور مصائب کا شکار ہیں اب وقت آ گیا ہے کہ انہیں ایک باعزت محفوظ اور پرامن زندگی کی طرف لے جایا جائے عالمی برادری کو متحد ہو کر فوری اور مؤثر اقدامات کرنا ہوں گے تاکہ فلسطینی عوام کے دکھوں کا ازالہ ہو سکے