ایران جنگ کے باعث عالمی تیل منڈی بحران کا شکار

مشرقِ وسطیٰ میں جاری جنگ کے باعث عالمی تیل کی منڈی شدید دباؤ کا شکار ہو گئی ہے اور ایران اور امریکا اسرائیل کشیدگی کے باعث صورتحال مزید پیچیدہ ہوتی جا رہی ہے تیل کی قیمتیں دوبارہ ایک سو ڈالر فی بیرل سے اوپر پہنچ گئی ہیں جبکہ عالمی اسٹاک مارکیٹوں میں بھی مندی دیکھی جا رہی ہے ماہرین کے مطابق خلیج فارس میں جاری کشیدگی عالمی معیشت کے لیے ایک بڑا خطرہ بن سکتی ہے کیونکہ دنیا کی بڑی مقدار میں تیل اسی خطے سے گزر کر عالمی منڈیوں تک پہنچتا ہے

امریکی صدر نے اس صورتحال پر ردعمل دیتے ہوئے کہا کہ ایران کو جوہری ہتھیار بنانے سے روکنا تیل کی قیمتوں سے زیادہ اہم ہے ان کا کہنا تھا کہ امریکا دنیا کا سب سے بڑا تیل پیدا کرنے والا ملک ہے اور اگر قیمتیں بڑھتی ہیں تو امریکا کو بھی اس سے مالی فائدہ ہوتا ہے

دوسری جانب عالمی بحری تنظیم  نے اعلان کیا ہے کہ اگلے ہفتے ایک ہنگامی اجلاس طلب کیا جائے گا جس میں خلیج فارس میں جہاز رانی کو درپیش خطرات خصوصاً  کی صورتحال پر غور کیا جائے گا اس تنگ سمندری راستے سے دنیا کی تقریباً بیس فیصد تیل کی سپلائی گزرتی ہے اس لیے یہاں کسی بھی قسم کی رکاوٹ عالمی منڈی کو شدید متاثر کر سکتی ہے

امریکی فوج کے ہزاروں اہداف پر حملوں کا دعویٰ

امریکی فوج نے بھی اعتراف کیا ہے کہ اس وقت اس کے پاس اتنے وسائل نہیں ہیں کہ وہ آبنائے ہرمز میں تیل بردار جہازوں کو مکمل تحفظ فراہم کر سکے کیونکہ زیادہ تر فوجی طاقت ایران کے خلاف حملوں میں مصروف ہے اس صورتحال نے عالمی شپنگ کمپنیوں اور تیل کی صنعت میں تشویش پیدا کر دی ہے

ادھر ایران نے ان الزامات کو مسترد کر دیا ہے کہ اس نے آبنائے ہرمز میں بارودی سرنگیں بچھائی ہیں ایرانی وزارت خارجہ کے مطابق جو جہاز ایرانی بحریہ کے ساتھ رابطہ رکھیں گے انہیں گزرنے کی اجازت دی جا سکتی ہے ایران کا کہنا ہے کہ اس راستے کی سلامتی سب کے مفاد میں ہے

ایرانی پاسداران انقلاب  نے دعویٰ کیا ہے کہ انہوں نے خلیج فارس میں ایک ایسے جہاز کو نشانہ بنایا ہے جس کے بارے میں کہا گیا کہ وہ امریکی ملکیت تھا اس حملے کے بعد خطے میں کشیدگی مزید بڑھ گئی ہے اسی دوران متحدہ عرب امارات کے ساحل کے قریب ایک کنٹینر جہاز پر میزائل نما چیز گرنے سے آگ لگ گئی تاہم عملہ محفوظ رہا

عراقی حکام کے مطابق عراق کے ساحل کے قریب دو مزید آئل ٹینکروں پر بھی حملے ہوئے جن میں کم از کم ایک شخص ہلاک جبکہ کئی لاپتہ ہو گئے بندرگاہی حکام کے مطابق 38 افراد کو ریسکیو کر لیا گیا ہے جبکہ چند ملاح اب بھی پھنسے ہوئے ہیں

جنگ کے باعث عالمی معیشت اور توانائی منڈی کو خطرات

امریکی سینٹرل کمانڈ کے مطابق 28 فروری سے اب تک ایران کے اندر تقریباً چھ ہزار اہداف کو نشانہ بنایا جا چکا ہے جبکہ 90 سے زیادہ ایرانی بحری جہازوں کو نقصان پہنچایا گیا یا تباہ کر دیا گیا ہے اس کے علاوہ بارودی سرنگیں بچھانے والے درجنوں جہاز بھی نشانہ بنائے گئے

اس جنگ کے مالی اخراجات بھی بہت زیادہ بڑھ رہے ہیں امریکی میڈیا کے مطابق صرف پہلے چھ دنوں میں امریکی محکمہ دفاع کو گیارہ ارب ڈالر سے زیادہ خرچ کرنا پڑا ہے اور امکان ظاہر کیا جا رہا ہے کہ جنگ طول پکڑنے کی صورت میں یہ اخراجات مزید بڑھ سکتے ہیں

ایران کے سکیورٹی رہنما  نے خبردار کیا ہے کہ ایران اس جنگ میں پیچھے نہیں ہٹے گا اور امریکا کو اس فیصلے پر پچھتانا پڑے گا ان کا کہنا تھا کہ ایران اپنی خودمختاری کے دفاع کے لیے ہر ممکن قدم اٹھائے گا

ماہرین کا کہنا ہے کہ اگر خلیج فارس میں کشیدگی مزید بڑھی اور آبنائے ہرمز میں تیل کی ترسیل متاثر ہوئی تو اس کے اثرات نہ صرف عالمی معیشت بلکہ توانائی کی عالمی منڈی پر بھی بہت گہرے ہوں گے کیونکہ دنیا کے کئی ممالک اپنی توانائی کی ضروریات کے لیے اسی خطے پر انحصار کرتے ہیں