پاکستان میں پیٹرول کی قیمتوں میں تاریخی اضافہ عوام پر مہنگائی کا نیا بوجھ

پاکستان میں پیٹرولیم مصنوعات کی قیمتوں میں اچانک اور بڑا اضافہ ہونے سے ملک بھر میں عوام شدید پریشانی کا شکار ہو گئے ہیں۔ حکومت نے پیٹرول اور ہائی اسپیڈ ڈیزل کی قیمتوں میں فی لیٹر پچپن روپے تک اضافہ کر دیا ہے، جسے حالیہ برسوں کا سب سے بڑا اضافہ قرار دیا جا رہا ہے۔ اس فیصلے کے بعد پیٹرول اور ڈیزل کی نئی قیمتیں فوری طور پر نافذ کر دی گئی ہیں، جس کے نتیجے میں عوامی اخراجات میں مزید اضافہ متوقع ہے

حکومت کی جانب سے اعلان سے چند گھنٹے پہلے ہی عوام کو یقین دلایا گیا تھا کہ ملک میں پیٹرولیم مصنوعات کے ذخائر کافی ہیں اور صورتحال قابو میں ہے۔ تاہم اچانک قیمتوں میں اتنا بڑا اضافہ سامنے آنے کے بعد عوامی حلقوں میں شدید تشویش پائی جا رہی ہے۔ اعلان کے فوراً بعد ملک کے مختلف شہروں میں پیٹرول پمپوں پر گاڑیوں کی لمبی قطاریں دیکھنے میں آئیں کیونکہ شہری پرانی قیمت پر ایندھن حاصل کرنا چاہتے تھے

حکومتی اعلان کے مطابق پیٹرول کی فی لیٹر قیمت میں پچپن روپے کا اضافہ کیا گیا ہے جبکہ ہائی اسپیڈ ڈیزل کی قیمت بھی نمایاں طور پر بڑھائی گئی ہے اس اضافے کے بعد پیٹرول کی نئی قیمت تین سو اکیس روپے سے زائد فی لیٹر جبکہ ڈیزل کی قیمت تین سو پینتیس روپے سے زیادہ مقرر کی گئی ہے۔ اس بڑے اضافے کے بعد ٹرانسپورٹ، زراعت اور روزمرہ اشیائے ضروریہ کی قیمتوں میں مزید اضافہ ہونے کا خدشہ ظاہر کیا جا رہا ہے

حکومت کا بڑا اعلان پیٹرول کی قیمت میں ریکارڈ اضافہ نافذ

حکومت کا کہنا ہے کہ عالمی منڈی میں تیل کی قیمتوں میں تیزی سے اضافہ اس فیصلے کی بڑی وجہ ہے۔ مشرق وسطیٰ میں جاری کشیدگی اور جنگی صورتحال کے باعث عالمی سطح پر خام تیل کی قیمتیں مسلسل بڑھ رہی ہیں اور یہ قیمتیں سو ڈالر فی بیرل کی حد کے قریب پہنچ رہی ہیں۔ ماہرین کا کہنا ہے کہ اگر عالمی حالات میں بہتری نہ آئی تو آئندہ دنوں میں قیمتوں میں مزید اضافہ بھی ہو سکتا ہے

وزارت پیٹرولیم کے حکام کے مطابق پاکستان کی تیل کی بڑی ترسیل خلیج کے اہم سمندری راستوں سے ہوتی ہے، جو موجودہ جنگی حالات کے باعث متاثر ہو رہے ہیں۔ اس صورتحال کے پیش نظر حکومت نے متبادل راستوں کے ذریعے تیل کی فراہمی جاری رکھنے کی کوششیں شروع کر دی ہیں تاکہ ملک میں ایندھن کی قلت پیدا نہ ہو

دوسری جانب حکومت نے عوام کو یقین دلایا ہے کہ ملک میں پیٹرولیم مصنوعات کے ذخائر اس وقت موجود ہیں اور فوری طور پر کسی بحران کا خطرہ نہیں حکام کا کہنا ہے کہ اگر عالمی مارکیٹ میں قیمتوں میں کمی آئی تو مقامی سطح پر بھی اسی رفتار سے قیمتیں کم کرنے کی کوشش کی جائے گی

پیٹرول کی قیمت میں اضافے کے بعد ٹرانسپورٹ اور اشیائے ضروریہ مزید مہنگی ہونے کا خدشہ

حکومت نے پیٹرول کی ذخیرہ اندوزی اور مصنوعی قلت پیدا کرنے والوں کے خلاف سخت کارروائی کا بھی اعلان کیا ہے۔ وزیراعظم کی ہدایت پر صوبائی حکومتوں کو حکم دیا گیا ہے کہ اگر کوئی پیٹرول پمپ جان بوجھ کر قلت پیدا کرے یا ذخیرہ اندوزی میں ملوث پایا جائے تو اس کے خلاف فوری قانونی کارروائی کی جائے اور اس کا لائسنس منسوخ کر دیا جائے

اس کے علاوہ حکومت نے پیٹرولیم مصنوعات کی نقل و حرکت کی نگرانی کے لیے ایک جدید نظام بنانے کا بھی فیصلہ کیا ہے تاکہ پورے ملک میں ایندھن کی فراہمی پر نظر رکھی جا سکے اور کسی بھی ممکنہ بحران کو بروقت روکا جا سکے

ماہرین معاشیات کے مطابق پیٹرولیم مصنوعات کی قیمتوں میں اس بڑے اضافے کا اثر معیشت کے تقریباً ہر شعبے پر پڑے گا۔ ٹرانسپورٹ کے کرایوں میں اضافہ، اشیائے خوردونوش کی قیمتوں میں مزید مہنگائی اور کاروباری لاگت میں اضافہ متوقع ہے۔ عوام کو امید ہے کہ حکومت جلد ایسے اقدامات کرے گی جن سے مہنگائی کے بڑھتے ہوئے دباؤ کو کم کیا جا سک