پاکستان تحریک انصاف کا بشریٰ بی بی کی اسپتال منتقلی پر ردعمل

پاکستان تحریک انصاف نے بشریٰ بی بی کی اچانک اور خفیہ طور پر اسپتال منتقلی پر شدید تشویش اور ردعمل کا اظہار کیا ہے جماعت کے مطابق انہیں رات گئے خاموشی کے ساتھ اڈیالہ جیل سے اسپتال لے جایا گیا اور بعد میں دوبارہ جیل منتقل کر دیا گیا جس سے کئی سوالات جنم لے رہے ہیں

پارٹی کا کہنا ہے کہ اس پورے معاملے میں شفافیت کا شدید فقدان ہے اور معلومات کو چھپایا جا رہا ہے جس کی وجہ سے عوام میں بے چینی اور خدشات بڑھ رہے ہیں پاکستان تحریک انصاف نے کہا کہ اگر واقعی طبی مسئلہ تھا تو اس کی مکمل تفصیلات قوم کے سامنے آنی چاہئیں تھیں کہ انہیں کس اسپتال لے جایا گیا کون سے ٹیسٹ کیے گئے اور کس ڈاکٹر نے معائنہ کیا

بیان میں مزید کہا گیا کہ بشریٰ بی بی کو گزشتہ کچھ عرصے سے قید تنہائی میں رکھا گیا ہے اور ان پر ذہنی دباؤ اور غیر انسانی سلوک کے الزامات بھی سامنے آ رہے ہیں پارٹی نے کہا کہ ان کی صحت کے حوالے سے مسلسل تشویش بڑھ رہی ہے لیکن ان کے ذاتی معالجین تک رسائی نہیں دی جا رہی اور نہ ہی اہل خانہ کو مکمل معلومات فراہم کی جا رہی ہیں

پاکستان تحریک انصاف نے یہ بھی مطالبہ کیا کہ اگر حکومت کے پاس کچھ چھپانے کو نہیں ہے تو بشریٰ بی بی کی صحت سے متعلق ایک آزاد اور شفاف رپورٹ جاری کی جائے تاکہ حقیقت واضح ہو سکے پارٹی نے کہا کہ انہیں فوری طور پر ان کے ذاتی ڈاکٹروں کی نگرانی میں علاج کی سہولت دی جائے اور اہل خانہ سے ملاقات کی اجازت دی جائے

عمران خان اور بشریٰ بی بی کی صحت پر بڑھتے خدشات

پارٹی نے مزید کہا کہ انہیں فوری طور پر شفا انٹرنیشنل اسپتال منتقل کیا جائے تاکہ مکمل طبی معائنہ ہو سکے اور انسانی حقوق کی تنظیموں کو بھی ان کی صحت کے جائزے کی اجازت دی جائے

ادھر پاکستان تحریک انصاف کے چیئرمین بیرسٹر گوہر علی خان نے بھی اس معاملے پر تشویش کا اظہار کرتے ہوئے کہا کہ انہیں اطلاع ملی ہے کہ بشریٰ بی بی کو آنکھوں کے علاج کے لیے اسپتال لے جایا گیا اور بعد میں واپس جیل منتقل کر دیا گیا انہوں نے کہا کہ انہوں نے اہل خانہ کی ملاقات کی درخواست کی ہے اور اس صورتحال پر شدید تشویش ہے

عمر ایوب نے بھی اس اقدام کی مذمت کرتے ہوئے کہا کہ بشریٰ بی بی کو بغیر اہل خانہ کو اطلاع دیے اسپتال لے جانا غیر مناسب عمل ہے انہوں نے کہا کہ دونوں کی صحت کے مسائل پر شفافیت ضروری ہے اور انہیں فوری طور پر مناسب طبی سہولیات فراہم کی جائیں

پارٹی رہنماؤں نے یہ بھی کہا کہ عمران خان اور بشریٰ بی بی کی صحت کے حوالے سے خدشات بڑھ رہے ہیں اور ان کے بنیادی انسانی حقوق کی مبینہ خلاف ورزی ہو رہی ہے جس پر عدالتی اور حکومتی اداروں کی خاموشی بھی سوالیہ نشان ہے